ხარაგაულში ამ წლის ბოლომდე „საქართველოს ბანკის“ ბანკომატი და შემდეგ – გადახდების აპარატი დაიდგმება.

ეს ინფორმაცია ხარაგაულის მუნიციპალიტეტის მერიის ეკონომიკისა და ქონების მართვის სამსახურის უფროსმა ჯაბა ბერაძემ სოციალური ქსელით გაავრცელა.

„საქართველოს ბანკთან“ ასევე მოლაპარაკებებს ვაწარმოებთ ხარაგაულში ამ ბანკის სერვის ცენტრის გახსნაზე,“ – წერს ჯაბა ბერაძე.

ხარაგაულში ამჟამად მხოლოდ „ლიბერთი ბანკი“ ფუნქციონირებს.

არაერთი ხარაგაულელი „საქართველოს ბანკის“ მომხმარებელია და ამ ბანკის სერვისცენტრის გახსნაზეც, მოსახლეობის მოთხოვნილება არსებობს.