ცენტრალური საავტომობილო მაგისტრალიდან ხარაგაულში შემოსასვლელ გზაზე საავტომობილო მოძრაობა 21 ოქტომბერს დილით განახლდა.

ექვსი დღის განმავლობაში ძირულა-ხარაგაულის გზაზე ყველა სახის ავტოტრანსპორტის მოძრაობა აკრძალული იყო.

16 ოქტომბერს სოფელ ლაშეში გზა ადიდებულმა მდინარე ჩხერიმელამ წაიღო.

დღეისათვის გზა აღდგენილია და ავტომობილები შეუფერხებლად გადაადგილდებიან.