#48 ხარაგაულის საოლქო საარჩევნო კომისიის თავმჯდომარე გია ცისკაძის ინფორმაციით, 12:00 საათისთვის საარჩევნო უბნებში ამომრჩეველთა 24.4 %  (4 807 ამომრჩეველი) მოვიდა.

ხარაგაულის საარჩევნო ოლქში, იმერეთის მასშტაბით, ამომრჩეველთა ყველაზე დიდი აქტივობა დაფიქსირდა.

იმერეთში 12 საათისთვის მოსული იყო ამომრჩეველთა 17,3 % (93019 ამომრჩეველი).

საქართველოს მასშტაბით აქტივობა 16,5 პროცენტია.

ხარაგაულის საარჩევნო ოლქში ამომრჩეველთა ყველაზე მაღალი აქტივობა ისლარის (39%), ნადაბურის (30%), ლაშის (25%), ბორითის (28%), წიფის (31%), ჯაფაროულის (30%) საარჩევნო უბნებში, ხოლო ყველაზე დაბალი – მარელისისა (17%) და გედსამანიის (17%) საარჩევნო უბნებზე.