მეოთხე დღეა, ბორჯომის ხეობაში ტყეში გაჩენილი ხანძრის ჩაქრობაში ათი ხარაგაულელი მეხანძრე მონაწილეობს.  ხანძრის სალიკვიდაციო სამუშაოებისთვის ხარაგაულიდან ორი ავტომანქანა გაიგზავნა.

საქართველოს პრემიერ-მინისტრის, გიორგი კვირიკაშვილის განცხადებით, ამ დროისთვის ბორჯომის ხეობაში ცეცხლის გავრცელების არეალი გაცილებით შემცირებულია, თუმცა რჩება ძლიერი კერა წაღვერისა და ტიმოთესუბნის ქედზე.

ხანძრის ჩქარობაში 6 ვერტმფრენი, 400-მდე მეხანძრე-მაშველი, 100-ზე მეტი ტყის მცველი, შსს-ს განსაკუთრებულ დავალებათა დეპარტამენტის 500 თანამშრომელი და ათეულობით მძიმე ტექნიკაა ჩართული.

ტყე, რომესაც ცეცხლი გაუჩნდა, ბორჯომ-ხარაგაულის ეროვნული პარკის შემადგენლობაშია. ხანძრის შედეგად უნიკალური ტყის მასივის ათეულობით ჰექტარი განადგურდა.
ხარაგაულელი მეხანძრის, გიორგი ჭყოიძის ფოტოები სტიქიის ზონიდან