29-30 ივლისს, თბილისში, კუნგფუსანდასა და კიკბოქსინგში მსოფლიო თასის პირველობა გაიმართა. შეჯიბრებაში ხარაგაულის სპორტის განვითარებისა და მართვის მუნიციპალური ცენტრის (დირექტორი დავით გელაშვილი) ხუთი სპორტსმენი (მწვრთნელებიზვიად კურტანიძე, მამუკა შარიქაძე) მონაწილეობდა.

ხარაგაულელი სპორტსმენი ვაჟები კუნგფუსანდაში ჩაერთვნენ, გოგონები – კიკბოქსინგში.

ხარაგაულელმა სპორსტმენებმა – ერეკლე ტალახაძემ, გოგა ფურცელაძემ და სოფიო ჭანკოტაძემ პირველი ადგილები დაიკავეს. აღსანიშნავია, რომ სოფიომ ჩემპიონობა როგორც არასრულწლოვანთა, ისე სრულწლოვანთა შორის მოიპოვა.

თბილისში გამართულ მსოფლიო პირველობაზე 12 ქვეყნის სპორტსმენები მონაწილეობდნენ.

ფოტოზე: მსოფლიო ჩემპიონები – სოფიო, გოგა და ერეკლე მწვრთნელებთან და სპორტის განვითარებისა და მართვის მუნიციპალური ცენტრის დირექტორთან ერთად