15 მაისიდან დაიწყო და 5 ივნისამდე გაგრძელდება აქცია ხარაგაულში I-IV კლასების მოსწავლეთა

სმენის შესამოწმებლად. აქცია სტოკჰოლმის სმენადაქვეითებულთა ასოციაციის ინიციატივით მიმდინარეობს.

ხარაგაულის საზოგადოებრივი ჯანდაცვის სამსახურის უფროსის, შმაგი ხიჯაკაძის, ინფორმაციით, დღემდე 450 ბავშვი გაისინჯა. გამოკვლევის შედეგად გამოვლენილ სმენადაქვეითებულ მოსწავლეებს უფასოდ გადაეცემათ სმენის თანამედროვე ციფრული აპარატი.

აქციის კოორდინატორის, მაია ბერაძეჯონსონის, თქმით, მსგავსი აქციები უკვე გაიმართა უკრაინასა და მოლდოვაში. საქართველოში 2005 წლიდან მიმდინარეობს და მრავალი მუნიციპალიტეტი მოიცვა.

აქცია ხარაგაულის მუნიციპალიტეტის ადგილობრივი ბიუჯეტის თანადაფინანსებით მიმდინარეობს.

თამთა გოგოლაძე

თამთა გოგოლაძე