ხარაგაულის მუნიციპალიტეტის საკრებულოს ბიუროს სხდომაზე დღეს, 15 მაისს, რეგიონული განვითარების ფონდში წარსადგენი პროექტები განიხილეს.

ინფორმაცია დეპუტატებს გამგეობის ინფრასტრუქტურისა და კეთილმოწყობის სამსახურის უფროსმა მალხაზ ფხალაძემ წარუდგინა.

რეგიონული განვითარების ფონდში განსაზღვრულია შემდეგი პროექტების წარდგენა:

  1. ფარცხნალში აკადემიკოს ევგენი ხარაძის სახლამდე მისასვლელი 984 მეტრი გზის რეაბილიტაცია (პროექტის ღირებულებაა 176 124 ლარი);
  2. ლეღვანში 4076 მეტრი ცენტრალური გზის რეაბილიტაცია (პროექტის ღირებულება 813 130 ლარი);
  3. ვაშლევში 882 მეტრი გზის რეაბილიტაცია (პროექტის ღირებულება 131 450 ლარი);
  4. ჩრდილში 2 400 მეტრი საავტომობილო გზის რეაბილიტაცია (პროექტის ღირებულება 325 083 ლარი);
  5. კიცხში, მდინარეძეების უბნის 2 500 მეტრი გზის რეაბილიტაცია (პროექტის ღირებულება 356 188 ლარი);
  6. ღვერკში 1 400 მეტრი გზის რეაბილიტაცია (პროექტის ღირებულება 161 414 ლარი);
  7. ხემაღალში 2 100 მეტრი და ლაშეში მანჯავიძეების უბანში 250 მეტრი გზების რეაბილიტაცია (პროექტის ღირებულება 275 000 ლარი);
  8. ქვედა ლახუნდარაში, ეკლესიის უბანში 2 350 მეტრი ცენტრალური გზის რეაბილიტაცია (პროექტის ღირებულება 400 000 ლარი);
  9. ვარძიის პირველ უბანში 1 500 მეტრი გზის რეაბილიტაცია (პროექტის ღირებულება 161 135 ლარი);
  10. ბორში 2 000 მეტრი გზის რეაბილიტაცია (პროექტის ღირებულება 357 266 ლარი);
  11. თეთრაწყაროში 2 600 მეტრი გზის რეაბილიტაცია (პროექტის ღირებულება 370 542 ლარი);
  12. საქარიქედის 2 200 მეტრი გზის რეაბილიტაცია (პროექტის ღირებულება 313 634 ლარი);
  13. ლეღვანი-მარელისის დამაკავშირებელი 4 600 მეტრი გზის რეაბილიტაცია (პროექტის ღირებულება 554 306 ლარი).

პროექტების განხორციელების სავარაუდო ვადა მაისი-ოქტომბერია.

ინფრასტრუქტურისა და კეთილმოწყობის სამსახურის უფროსის, მალხაზ ფხალაძის ინფორმაციით, ყველა პროექტის წელს დაფინანსების მოლოდინი არ უნდა გვქონდეს.

„შესაძლოა, ცამეტივე პროექტი დაფინანსდეს და რამდენიმე მათგანი 2018 წელს დასრულდეს,“ – ამბობს მალხაზ ფხალაძე.