„ვესაუბრებით ამომრჩევლებს“ – საარჩევნო ადმინისტრაციის ახალი ინიციატივაა და საქართველოს მასშტაბით საოლქო საარჩევნო კომისიების მოსახლეობასთან შეხვედრებს ითვალისწინებს.

თითოეულ მუნიციპალიტეტში გასვლითი შეხვედრები ეტაპობრივად იმართება; ამომრჩევლებს საოლქო საარჩევნო კომისიების წარმომადგენლები სოფლებსა და მუნიციპალიტეტების საზოგადოებრივი თავშეყრის ადგილებში ხვდებიან და 2017 წლის თვითმმართველობის არჩევნების და საარჩევნო ადმინისტრაციის შესახებ აწვდიან ინფორმაციას; ურიგებენ მათ საინფორმაციო ბარათებს თვითმმართველობის არჩევნების შესახებ, ესაუბრებიან საკუთარი საარჩევნო უფლებების თაობაზე და იზიარებენ მათ მოსაზრებებს.

8 მაისს ხარაგაულის საოლქო საარჩევნო კომისიამ (თავმჯდომარე გია ცისკაძე) ამ პროექტის ფარგლებში ხარაგაულელ ამომრჩევლებთან შეხვედრა კინოთეატრის წინ გაიმართა.

10 მაისს შეხვედრა გაიმართება ბორითში, 11 მაისს – კიცხში, 15 მაისს – მოლითში.