საქართველოს ცენტრალური საარჩევნო კომისია და სწავლების ცენტრი 29 მაისიდან 26 ივნისამდე პერიოდში ახორციელებს საინფორმაციო-სასწავლო პროექტს „საარჩევნო ადმინისტრატორის კურსები“. 

აღნიშნული კურსი ითვალისწინებს კენჭისყრის პროცედურების შესწავლას, რაც ემსახურება სამოქალაქო ცნობიერების ამაღლებას საარჩევნო საკითხებთან დაკავშირებით და ხელს უწყობს საარჩევნო ადმინისტრაციაში კვალიფიციური საკადრო რესურსის ფორმირებას.

პროექტი საქართველოს 63 მუნიციპალიტეტში, მათ შორის, ხარაგაულში, განხორციელდება.

სასწავლო კურსის გავლა შეუძლია საქართველოს მოქალაქეს 18 წლის ასაკიდან. სასურველია პროექტში მონაწილეობის მსურველ პირს გააჩნდეს საარჩევნო ადმინისტრაციაში მუშაობის გამოცდილება, არჩევნებზე დამკვირვებლის სტატუსით მონაწილეობის გამოცდილება, საარჩევნო ადმინისტრაციის მოხელის სერტიფიკატი ან/და საარჩევნო განვითარების სკოლის სერტიფიკატი. მონაწილეთა ჯგუფების შედგენისას გათვალისწინებული იქნება გენდერული თანასწორობის პრინციპი.

კურსის გავლისთვის, საჭიროა შეავსოთ აპლიკაცია, რომელიც განთავსებულია ცესკოს ვებგვერდზე cec.gov.ge და წარადგინოთ შესაბამის საოლქო საარჩევნო კომისიაში, 24 აპრილიდან 2 მაისის ჩათვლით (შაბათ-კვირის გარდა). აპლიკაციის წარდგენისას თან უნდა იქონიოთ პირადობის დამადასტურებელი დოკუმენტი.

გისურვებთ წარმატებებს.