დღეს, 26 მარტს, დუშეთის საფეხბურთო სტადიონზე ეროვნული ჩემპიონატის მორიგი შეხვედრა გაიმართა.

ერთმანეთს ხარაგაულის საფეხბურთო გუნდი „ჩხერიმელა-2009“ და თბილისის „შევარდენი-1906“ დაუპირისპირდნენ.

საფეხბურთო კლუბის დირექტორის, დავით გაჩეჩილაძის ინფორმაციით, „ჩხერიმელამ“ მეტოქე ანგარიშით 3:0 დაამარცხა.

გუნდის მწვრთნელი დემური გიორგობიანი ძალიან გახარებულია და ამბობს, რომ თავიდან თამაში ფრთხილად დაიწყეს და უფრო მეტად კარის დაცვისთვის იყვნენ მობილიზებულნი.

„თავდადებით ითამაშეს ბიჭებმა, ყველა მითითება შეასრულეს და გავიმარჯვეთ, – ამბობს დემური გიორგობიანი, –  მეტოქის კარში გოლები გაიტანეს გუგა ფირცხალავამ, ირაკლი ხეცურიანმა და ერეკლე ლებანიძემ. ძალიან გვიხარია, რომ გულშემატკივრები გავახარეთ.“

ვულოცავთ ხარაგაულის საფეხბურთო გუნდს ამ გამარჯვებას და შემდგომ წარმატებებს ვუსურვებთ.