ხარაგაულის მუნიციპალიტეტში უმნიშვნელოვანესი პროექტის განხორციელება იწყება.
არასამთავრობო ორგანიზაცია „ქალები ქვეყნის მომავლისთვის“ სოფლებში სტიქიური ნაგავსაყრელების გაკულტურებას გეგმავს.
„პირველ ეტაპზე ნაგავსაყრელების რაოდენობასა და მდებარეობას აღვწერთ, – აღნიშნა პროექტის პრეზენტაციაზე ამ არასამთავრობო ორგანიზაციის ხელმძღვანელმა ხათუნა მანჯავიძემ, – ინფორმაციის დამუშავების შემდეგ რამდენიმე ნაგავსაყრელს შევარჩევთ და იმ ადგილას ან სკვერს მოვაწყობთ, ან ნარგავებს გავაშენებთ.
პროექტის – „სუფთა გარემო ჩვენი უფლებაა, დაცვა – მოვალეობა“ მიზანი მოსახლეობაში ცნობიერების ამაღლება და ქცევის ნორმების შეცვლაა.“
პროექტის პრეზენტაციას ადგილობრივი ხელისუფლების წარმომადგენლები და დაინტერესებული პირები დაესწრენ.
ადმინისტრაციულ ერთეულებში გამგებლის წარმომადგენლებმა სოფლებში ნაგავსაყრელების გაკულტურების პარალელურად ნარჩენების მართვის ალტერნატიული გზების აუცილებლობაზე ისაუბრეს. მათი თქმით, უბნებში ნარჩენების შესაგროვებლად ურნები უნდა დაიდგას, ან სოფლებს პერიოდულად დასუფთავების მანქანა უნდა მოემსახუროს.
ხარაგაულის მუნიციპალიტეტის გამგებელმა ნიკო თოფურიძემ ხათუნა მანჯავიძეს ამ მეტად მნიშვნელოვანი და საინტერესო პროექტის განხორციელებაში მხარდაჭერა აღუთქვა.
სტიქიური ნაგავსაყრელების შესახებ ინფორმაციების შესაკრებად პროექტის კოორდინატორები სოფლებში მომავალი კვირიდან დაიწყებენ მუშაობას.
ა/ო „ქალები ქვეყნის მომავლისათვის“ ამ პროექტში კოორდინატორებად ქალთა დასაქმებას ითვალისწინებს.
პროექტი „სუფთა გარემო ჩვენი უფლებაა, დაცვა – მოვალეობა“ ქალთა ფონდის დაფინანსებით ხორციელდება.
ნინო კაპანაძე
ჯანმრთელობის მსოფლიო ორგანიზაციის ევროპის რეგიონული ბიურო 2024 წლის
დაბადებიდან 49 წლის იუბილეს ვულოცავთ მის ყოვლადუსამღვდელოესობას, მარგვეთისა და უბისის ეპისკოპოსს,
საქართველოს რკინიგზის ინფორმაციით, აღდგომის დღესასწაულთან დაკავშირებით, ბათუმისა და
„მაღალმთიან დასახლებებში
„თუ გაიძულებენ, გთხოვენ, აქციაზე წამოსვლას,