ჩუმათელეთი-ხარაგაულის 50 კილომეტრიანი საავტომობილო გზის პროექტირება 2017 წლის დეკემბერში დასრულდება.

საავტომობილო გზების დეპარტამენტი გზის მშენებლობის დაწყებას 2017 წლის დეკემბერში გეგმავს. მშენებლობა 2020 წლის ივნისში დასრულდება.

E-60 ავტომაგისტრალის, ჩუმათელეთი-ხევის მონაკვეთის, მშენებლობა 2018 წლის მარტიდან უნდა დაიწყოს და 2020 წლის მარტში დასრულდეს.

2018 წლის მაისიდან იგეგმება და 2020 წლის სექტემბრამდე გასტანს ამავე ავტომაგისტრალის ხევი-უბისას მონაკვეთის მშენებლობა.

2018 წლის ივლისში დაიწყება და 2020 წლის სექტემბრამდე გაგრძელდება E-60 ავტომაგისტრალის უბისა-შორაპნის მონაკვეთის მშენებლობა.

ხარაგაულის მუნიციპალიტეტის ტერიტორიაზე გამავალ ორივე ავტომაგისტრალს საავტომობილო გზების დეპარტამენტი აშენებს.