ხარაგაულის ანდრია პირველწოდებულის სახელობის სამლოცველოში წირვის შემდეგ მოძღვარმა მამა ანტონმა (სულთანიშვილი) მრევლი დალოცა და მარხვაში სულიერი გაძლიერებისკენ მოუწოდა.

მამა ანტონმა ქადაგებისას აღნიშნა, რომ თითოეულმა ჩვენგანმა ხშირად უნდა გავიხსენოთ უფლის ჯვარცმა, ხშირად უნდა ვიფიქროთ საკუთარ ჯვარზე, უნდა გავაცნობიეროთ, თუ რისთვის ვართ ამქვეყნად და რა არის ადამიანის დანიშნულება.

მართლმადიდებელი მორწმუნეები ჯვრის თაყვანისცემის დღეს უფლის ვნებებს იხსენებენ.

დიდმარხვის შემდეგი კვირა წმიდა იოანე კლემაქსის სახელწოდებით აღინიშნება, რომელმაც ადამიანის განწმენდისათვის და უფალთან მისასვლელად სულიერების კიბე აღწერა. მას კიბისაღმწერელსაც უწოდებენ.