დღეს, ხარაგაულის #2 საჯარო სკოლაში საქველმოქმედო გამოფენა-გაყიდვა გაიმართა. სკოლის ფოიეში გამოფენილი იყო მოსწავლეების მიერ შექმნილი დედის დღისადმი მიძღვნილი თემატური ხელნაკეთი ნივთები, მისალოცი ბარათები, ფერადი ქაღალდისაგან შექმნილი ყვავილები, ნახატები.

დღესვე, ხარაგაულის #2 საჯარო სკოლის მე-5 კლასის მოსწავლეებმა დედის დღისადმი მიძღვნილი ღონისძიება გამართეს. მოსწავლეებმა ლექსებით, სიმღერებითა და ცეკვებით დედიკოებს სამი მარტის დღესასწაული მიულოცეს.

კლასის ხელმძღვანელისა და გამოფენა-გაყიდვის ორგანიზატორ რუსუდან თაბაგარის ინფორმაციით, ხარაგაულის #2 საჯარო სკოლა თითქმის ყოველწლიურად აწყობს საქველმოქმედო საღამოებს.

„წელს გამოფენა-გაყიდვიდან შემოსული თანხა მთლიანად გადაერიცხება ხარაგაულის საკათედრო ტაძრის მშენებლობის ფონდს. გვინდა ჩვენი წვლილი შევიტანოთ ამ საშვილიშვილო საქმეში,  დიდი მადლობა ჩემს მოსწავლეებსა და #2 საჯარო სკოლის ხელოვნების პედაგოგს, მარინა ვეფხვაძეს, რომლებმაც ამ ღონისძიებისთვის თავდაუზოგავად იმუშავეს,“- აღნიშნა რუსუდან მასწავლებელმა.

ღონისძიების მონაწილე მოსწავლეებმა დედიკოებს  სიმბოლური საჩუქრები გადასცეს.

თამთა გოგოლაძე