ზოგადი განათლების ცალკეული კლასების, სემესტრის, ასევე ცალკეულ კლასში შემავალი საგნების ზოგადსაგანმანათლებლო სასწავლო პროგრამების ექსტერნატის ფორმით დაძლევის ვადები განისაზღვრა.

საქართველოს განათლებისა და მეცნიერების მინისტრის ბრძანების თანახმად: რეგისტრაციის ვადაა 2017 წლის 22 თებერვლიდან 2017 წლის 2 მარტის ჩათვლით.

გამოცდის ჩატარების ვადა 2017 წლის 15 მარტიდან 2017 წლის 25 მარტის ჩათვლით განისაზღვრა.

ექსტერნატის ფორმით განათლების მიღებაზე სრულწლოვანმა დაინტერესებულმა პირმა ან არასრულწლოვანი დაინტერესებული პირის კანონიერმა წარმომადგენელმა უნდა მიმართოს საგანმანათლებლო რესურსცენტრს შესაბამისი განცხადებით.