ხარაგაულის სკოლამდელ დაწესებულებათა გაერთიანების (დირექტორი მამუკა ჭიპაშვილი) მიერ ავეჯის შესაძენად გამოცხადებულ ტენდერში ორი პრეტენდენტი, – ი/მ „კახაბერ ბოგვერაძე“ და ი/მ „ამირან კაშია“ – ჩაერთო.

ტენდერი 9 500 ლარზე 7 თებერვალს გამოცხადდა.

ხარაგაულის სკოლამდელ დაწესებულებათა გაერთიანებაში შემავალი ხევის, ღორეშისა და წიფის საბავშვო ბაღებისათვის შესაძენია სხვადასხვა ზომისა და დანიშნულების მაგიდები, კარადები, სკამები, საკიდები.

13 თებერვალს გამართული ელექტრონული ვაჭრობის შედეგად, ი/მ „ამირან კაშიამ“ 8 149 ლარი, ხოლო ი/მ „კახაბერ ბოგვერაძემ“ – 8 150 ლარი დააფიქსირა.

ტენდერში გამარჯვებული უახლოეს დღეებში გამოვლინდება.

ხევის საბავშვო ბაღში აღსაზრდელთა მეორე ჯგუფი უნდა დაემატოს.

ღორეშასა და წიფაში ახლადაშენებული საბავშვო ბაღები იხსნება.