ხარაგაულის კულტურის ცენტრთან არსებული თოჯინების თეატრი ახალ პიესაზე „აბა დამაცადეთ, თაგუნებო!“ მუშაობს. ეფემ ჩაპოვეცკის პიესა მოგვითხრობს მარტოხელა ქალზე, რომელსაც წრუწუნები შეეჩვივნენ. ქალბატონმა მათ მოსაგერიებლად ფისო მოიყვანა…“ თუ როგორ განვითარდება მოვლენები, ამას ხარაგაულელი ნორჩი მაყურებელი უახლოეს მომავალში იხილავს.

სპექტაკლში მონაწილეობენ: ლუიზა კიკნაძე (დეიდა მარინა), თაგუნები მიკი (ირინე ჩხეიძე) და კიწი (მაია ბერაძე) და ფისო (გიორგი ჭიპაშვილი).

„შევეცდებით, პრემიერის შემდეგ, სპექტაკლი ხარაგაულის მუნიციპალიტეტის ყველა სოფელში ვაჩვენოთ და იქ მცხოვრები პატარები გავახაროთ. ჩვენს თეატრს უკვე ოცი თოჯინა ჰყავს და „აბა დამაცადეთ, თაგუნებო““ რიგით მეექვსე სპექტაკლია, – ამბობს ხარაგაულის თოჯინების თეატრის რეჟისორი ირინე ჩხეიძე.

თამთა გოგოლაძე