ხარაგაულელი კინორეჟისორი რამაზ ბლუაშვილი მხატვრულ-დოკუმენტურ ფილმზე „სიმღერა“ მუშაობას აგრძელებს.
რეჟისორი ქართული ხალხური სიმღერის – „ჩაკრულოს“ კოსმოსში გაგზავნის ისტორიას და ამ ფაქტთან დაკავშირებულ დღემდე უცნობ ფაქტებს იღებს.
მაისში რამაზ ბლუაშვილმა ლოს-ანჟელესში ლეგენდარული ასტრონომისა და ტელეწამყვანის, კარლ საგანის მეუღლე, ანნ დრუენსი ჩაწერა.
„მოვისმინე საოცარი ისტორია, თუ როგორ უთხრეს უარი 1977 წელს ნიუ-იორკში საბჭოთა კავშირის სახელით კოსმოსში გასაგზავნად გამზადებულ სიმღერას „მოსკოვური საღამოები“ და როგორ მიანიჭეს უპირატესობა ქართულ „ჩაკრულოს,“ – გვიამბობს რამაზ ბლუაშვილი, – ქალაქ ბრეკლიში კი ინტერვიუ მსოფლიოში ცნობილ ეთნომუსიკოლოგთან, სტენფორმის უნივერსიტეტის პროფესორ იზალი ზემცოვსკისთან ჩავწერე. მან „ჩაკრულოსა“ და კაცობრიობის ისტორიაში ქართული ხალხური სიმღერის მნიშვნელობაზე ისაუბრა.“
ახლახან რამაზ ბლუაშვილმა NASA-ში ინტერვიუები ლეგენდარულ ადამიანებთან, დოქტორებთან ედ სტოუნთან და ჯონ კასანისთან ჩაწერა.
„ეს ადამიანები ბოლო 40 წლის განმავლობაში, NASA-ს ყველა მნიშვნელოვან პროექტზე მუშაობდნენ და ზოგს ხელმძღვანელობდნენ, – ამბობს რამაზ ბლუაშვილი, – მათი დამსახურებაა, ქართული „ჩაკრულო“ რომ კოსმოსშია. მართლაც დაუვიწყარი დღე იყო NASA-ში. ვნახე „ჩაკრულოს“ ორიგინალი „ოქროს“ ჩანაწერი. შემდეგ კი NASA-ს მარსის პროგრამის ხელმძღვანელმა რობერტ მენინგმა მარსის როვერების საცდელი ლაბორატორია დაგვათვალიერებინა.
ინგლისურენოვანი მხატვრულ-დოკუმენტური ფილმის „სიმღერა“ პრემიერა ნიუ-იორკში, კარლ საგანის სახელობის უნივერსიტეტში, სავარაუდოდ, ოქტომბრის ბოლოს გაიმართება.
ნინო კაპანაძე
ძალოვანი უწყებების წარმომადგენლებმა კვლავ
30 აპრილს გვიან ღამით და 1 მაისს გამთენიისას,
განათლების სამინისტროს ინფორმაციით,
ევროკომისიის პრეზიდენტმა ურსულა ფონ დერ ლაიენმა საქართველოში
საქართველოს პრეზიდენტმა სალომე ზურაბიშვილმა ევროკავშირის სამეზობლო