ხარაგაულის მუნიციპალიტეტის საკრებულოს თავმჯდომარე ინგა მაღრაძის თანამდებობიდან გადაყენების მოთხოვნით 26 ივლისს საკრებულოს აპარატს ოცმა დეპუტატმა მიმართა.

„გთხოვთ, ხარაგაულის მუნიციპალიტეტის საკრებულოს თავმჯდომარე ინგა მაღრაძის თანამდებობიდან გადაყენებას,“ – ნათქვამია წერილობით განცხადებაში.

საკრებულოს ბიუროს 27 ივლისს გამართულ რიგგარეშე სხდომაზე დეპუტატთა განცხადება ბიუროს წევრებს ფრაქცია „ქართული ოცნება-დემოკრატიული საქართველოს“ თავმჯდომარე ვარლამ თავზარაშვილმა გააცნო.

წერილობით მოთხოვნას ხელს აწერენ დეპუტატები:
ვარლამ ჭიპაშვილი,
ვარლამ თავზარაშვილი,
შალვა ლურსმანაშვილი,
მანანა ბარბაქაძე,
გივი თხელიძე,
მარინე ვეფხვაძე,
ნონა ზურაბიანი,
ვლადიმერ ტალახაძე,
მერაბ ტალახაძე,
გივი ხიჯაკაძე,
გიორგი გრიგალაშვილი,
ლენა აბაშიძე,
დავით კიკნაძე,
დავით ლურსმანაშვილი,
ჯამბულ გამცემლიძე,
აზა ფურცელაძე,
ბესიკ ფოცხვერაშვილი,
მიხეილ გელაშვილი,
იუზა კელენჯერიძე,
ბესიკ ტალახაძე.

საკრებულოს თავმჯდომარის თანამდებობიდან გადაყენების საკითხი საკრებულოს პირველი აგვისტოს სხდომის დღის წესრიგში შეიტანეს.

ინგა მაღრაძე რესპუბლიკური პარტიის წევრია.

ვრცელ მასალას ამ თემაზე მოგვიანებით შემოგთავაზებთ.