ესთეტიკური აღზრდის ცენტრის ორგანიზებით თბილისში ქართული ფოლკლორული მუსიკისა და ცეკვის რესპუბლიკური ფესტივალი ჩატარდა.

ფესტივალში ხარაგაულის მოსწავლე-ახალგაზრდობის სახლთან არსებული ფოლკლორული ანსამბლი (ხელმძღვანელი ვასილ კიკნაძე) მონაწილეობდა.

მოსწავლეთა სახლის დირექტორის, მაია ბლუაშვილის ინფორმაციით, ფესტივალზე ხარაგაულელები ორი სიმღერით – „ოდელი დელა“ და „ვაიდა ბოშო“ წარდგნენ.

„ანსამბლის გამოსვლის შემდეგ ჟიურის თავმჯდომარე მზია მუქაშავიძემ დიდი მადლობა გადაგვიხადა და აღნიშნა, რომ ხარაგაულელებმა სცენაზე ნამდვილი იმერული ფოლკლორი გააცოცხლეს, – ამბობს მაია ბლუაშვილი, – ამ წუთებში შემატყობინეს, რომ ფესტივალის მთავარი ჯილდო – გრან-პრი დავიმსახურეთ. ძალიან გახარებული ვარ. მადლობას ვუხდი ანსამბლის ხელმძღვანელს და თითოეულ წევრს.“

ესთეტიკური აღზრდის ცენტრი ფესტივალს წელიწადში ორჯერ – გაზაფხულსა და შემოდგომაზე ატარებს.

moswavleTa-sakhli