ჩუმათელეთი – მოლითი – ხარაგაული – ძირულა – ზესტაფონის საავტომობილო გზის რეაბილიტაციის პროექტში მნიშვნელოვანი ცვლილებები შედის, – ამის შესახებ ინფორმაცია პარლამეტარმა ნოდარ ებანოიძემ მოგვაწოდა:

„იზრდება საავტომობილო გზის პარამეტრები. სტანდარტული, მაღალი ხარისხის გზა აშენდება. გზის სავალი ნაწილის სიგანე, 6 მეტრის ნაცვლად, იქნება 7 მეტრი. დაბა ხარაგაულის მონაკვეთზე იგეგმება დამატებით სამუშაოების ჩატარება. საავტომობილო მაგისტრალი დაბა ხარაგაულს გვერდით გაუვლის. ხარაგაულიდან ზესტაფონამდე ემატება გვირაბები.

პროექტში ცვლილებები ზრდის ბიუჯეტს 45 მილიონი დოლარიდან 70 მილიონ დოლარამდე.

ხარაგაული – ჩუმათელეთი – ზესტაფონის გზის სრულყოფილი რეაბილიტაციით რიკოთის უღელტეხილის ალტერნატივა შეიქმნება.“

რიკოთის უღელტეხილის დეტალურ დიზაინზე მუშაობა რომ იწყება, ამაზე ასევე საუბრობს რეგიონული განვითარებისა და ინფრასტრუქტურის მინისტრი ნოდარ ჯავახიშვილი: „რთულია ზუსტად გათვალო, როდის დასრულდება საპროექტო სამუშაოები, თუმცა დასრულებისთანავე გამოცხადდება ტენდერი.“

ნოდარ ებანოიძის ინფორმაციით, ჩუმათელეთი – მოლითი – ხარაგაული – ძირულა – ზესტაფონის საავტომობილო გზის მშენებლობა 2016 წელს დაიწყება.