საქართველოს პარლამენტის საფინანსო-საბიუჯეტო კომიტეტის თავმჯდომარის პირველი მოადგილის, ნოდარ ებანოიძის, ინფორმაციით, უახლოეს დღეებში მთავრობა პარლამენტში შეიტანს 2016 წლის სახელმწიფო ბიუჯეტის პროექტის გადამუშავებულ ვარიანტს.

ნოდარ ებანოიძის ინფორმაციით, 2016 წლის პირველი ივლისიდან პენსია 20 ლარით გაიზრდება. საპარლამენტო კომიტეტები მთავრობასთან ერთად მუშაობდნენ პენსიის გასაზრდელად საჭირო რეზერვების გამოსაძებნად.

შეგახსენებთ, რომ 2015 წლის პირველი სექტემბრიდან პენსია 10 ლარით გაიზარდა.

2016 წლის პირველი ივლისიდან პენსიონერები 180 ლარს მიიღებენ.