პირველი ივლისიდან წლის ბოლომდე ევროკავშირის საბჭოს როტაციული თავმჯდომარე ირლანდია იქნება.

ირლანდიის თავმჯდომარეობის 65-გვერდიან პროგრამაში ევროკავშირის გაფართოების კონტექსტში საქართველო ნახსენები არაა, ისევე როგორც „ტრიოს“ (ირლანდია, ლიეტუვა, საბერძნეთი) ერთობლივ პროგრამაში, რომელიც 2027 წლის ბოლომდე პერიოდს მოიცავს.

„ტრიო“ უზრუნველყოფს ყველა კანდიდატისა და პოტენციური კანდიდატის მიმართ დაბალანსებულ და სამართლიან მიდგომას, ამავდროულად კი შეინარჩუნებს ეფექტიან, სანდო, პროგნოზირებად და დამსახურებაზე დაფუძნებულ მიდგომას.

ამ კონტექსტში ის მტკიცედ დაუჭერს მხარს უკრაინის, მოლდოვისა და დასავლეთ ბალკანეთის კანდიდატი და პოტენციური კანდიდატი ქვეყნების ევროკავშირში გაწევრიანების გზას“, – ნათქვამია ევროკავშირის საბჭოს მომავალი როტაციული თავმჯდომარეების ერთობლივ პროგრამაში.

წყარო