შეფასებისა და გამოცდების ეროვნული ცენტრი შეგახსენებთ, რომ დღეს, 10 აპრილის 18:00 საათამდე, სურვილის შემთხვევაში, შეეძლებათ გამოსაცდელებს ჩასაბარებელი საგნის/საგნების არჩევა (დამატება ან შეცვლა), გამოცდის ენისა და საგამოცდო ქალაქის შეცვლა.

იმ დარეგისტრირებულმა გამოსაცდელებმა, რომლებსაც ესაჭიროებათ სპეციფიკური საგამოცდო გარემოს შექმნა და რეგისტრაციის დროს მონიშნეს – „სპეციალური პირობები“, 10 აპრილის 18:00 საათამდე უნდა წარმოადგინონ შესაბამისი ჯანმრთელობის ცნობა (ფორმა N100) შეფასებისა და გამოცდების ეროვნულ ცენტრში (მის.: თბილისი, ე. მინდელის N9), რეგიონებში კი ადგილობრივ საგანმანათლებლო რესურსცენტრში.

თუ გამოსაცდელებმა გადაიხადეს რეგისტრაციის საფასური 2 აპრილის 18:00 საათამდე, მაგრამ ვერ მიიყვანეს რაიმე მიზეზით რეგისტრაციის პროცესი ბოლომდე, მათ ეძლევათ საშუალებას 10 აპრილის 18:00 საათამდე დაასრულონ რეგისტრაცია.

10 აპრილის 18:00 საათის შემდეგ მხოლოდ აბიტურიენტებს ექნებათ საშუალება აირჩიონ, წაშალონ ან გადაანაცვლონ საგანმანათლებლო პროგრამები. ეს პროცესი კიდევ რამდენიმე თვის განმავლობაში გაგრძელდება და აპელაციის შედეგების გამოქვეყნების მომდევნო დღეს დასრულდება.

წყარო