27 ივლისიდან, ორი კვირის განმავლობაში, ხარაგაულის ამბულატორიაში C ჰეპატიტის საყოველთაო უფასო გამოკვლევა მიმდინარეობს.

C ჰეპატიტის საყოველთაო გამოკვლევა და მკურნალობა საქართველოში ჰეპატიტის მსოფლიო დღესთან დაკავშირებით ტარდება.

შპს „რეგიონული ჯანდაცვის ცენტრი ხარაგაულის“ დირექტორ ქეთევან აბრამიშვილის ინფორმაციით, დაუკავშირდნენ C ჰეპატიტით დაავადებულებს და მიიწვიეს ამბულატორიაში უფასო გამოკვლევების ჩასატარებლად.

მსოფლიოში სულ ქრონიკული C ჰეპატიტი აღენიშნება 130-150 მილიონ ადამიანს. მასთან დაკავშირებული ღვიძლის გართულებებით ყოველწლიურად იღუპება 350 000-დან 500 000-მდე ადამიანი.

ექიმთან დროული მიმართვით  შესაძლებელია ჰეპატიტისა და მასთან დაკავშირებული რისკების აცილება.