23 ივნისს ხარაგაულის ხალხური შემოქმედების სახლი თბილისში, მიხეილ თუმანიშვილის სახელობის კინომსახიობთა თეატრში, გამართავს საქველმოქმედო საღამოს „ვაგრძელებთ წარსულს“ ბავშვთა ფოლკლორულ-ქორეოგრაფიულ ანსამბლ „საუნჯესა“ და ვაჟთა ფოლკლორულ ანსამბლ „კახორის“ მონაწილეობით.

საქველმოქმედო საღამო 19:00 საათზე დაიწყება.

ხარაგაულის ხალხური შემოქმედების სახლის დირექტორ დალი მაღრაძისა და ლოტბარ მაია მაღრაძის ინფორმაციით, შემოსული თანხა მთლიანად გადაერიცხება თბილისში სტიქიით დაზარალებულ მოსახლეობას.