ზვარეში ახალგაზრდულ ბანაკამდე მისასვლელი გზის რეაბილიტაცია იწყება.

4 ივნისს გამოცხადდა ტენდერი საპროექტო-სახარჯთაღრიცხვო დოკუმენტაციის შესადგენად.

თავად პროექტის – ზვარეს სასოფლო გზის რეაბილიტაციის სავარაუდო ღირებულებაა 100 000 ლარი.

საპროექტო-სახარჯთაღრიცხვო დოკუმენტაციის შესადგენად ტენდერი გამოცხადებულია 1 690 ლარზე. სატენდერო წინადადებები 10 ივნისამდე მიიღება.

რაც შეეხება ზვარეს ახალგაზრდული ბანაკის რეაბილიტაციას, ტენდერში გამარჯვებულმა შპს „საბამ“ საპროექტო-სახარჯთაღრიცხვო დოკუმენტაცია 5 ათას ლარად 28 ივლისის ჩათვლით უნდა მოამზადოს.