ხარაგაულის მუნიციპალიტეტის ადგილობრივმა ხელისუფლებამ „ქამრები მჭიდროდ შემოიჭირა.“

ხარაგაულის მუნიციპალიტეტის გამგეობიდან მოპოვებული ინფორმაციით, 2015 წლის პირველ კვარტალში პრემიის სახით 2 800 ლარი გაიცა.

იანვარში პრემია არ გაცემულა.

თებერვალში ადგილობრივი ბიუჯეტიდან პრემია მიიღეს გამგებლის თანაშემწეებმა გიორგი თავზარაშვილმა და მურმან არჯევანიძემ. თითოეულ მათგანზე თებერვალში პრემიის სახით გაიცა 1 100-1 100 ლარი.

მარტში პრემია მიიღო საკრებულოს სამმა თანამშრომელმა: მარინა კვინიკაძემ, ხათუნა გურგენიძემ და ასმათი მაღრაძემ. პრემიის სახით თითოეულ მათზე 200-200 ლარი გაიცა.

შეგახსენებთ, რომ ხარაგაულის ადგილობრივი ხელისუფლების წარმომადგენლებმა 2014 წლის ნოემბერსა და დეკემბერში პრემიის სახით 61 080 ლარი აიღეს.