ჩუმათელეთი-ხარაგაული-ძირულას 55 კილომეტრიანი საავტომობილო გზის რეაბილიტაციასთან დაკავშირებული წინამოსამზადებელი სამუშაოები ორ თვეში დამთავრდება, – ეს ინფორმაცია ხარაგაულის მაჟორიტარმა დეპუტატმა ნოდარ ებანოიძემ მოგვაწოდა.

მისი ინფორმაციით, ამის შემდეგ დაიწყება პროექტირების ეტაპი, რისთვისაც გათვალისწინებულია 2 მილიონი ლარი.

ეს თანხა, ხარაგაულის მაჟორიტარი დეპუტატის ინფორმაციით, საავტომობილო გზების დეპარტამენტის ბიუჯეტში უკვე გათვალისწინებულია. თანხის 20% სახელმწიფო ბიუჯეტიდან, ხოლო 80% აზიის განვითარების ბანკისგან დაფინანსდება.

ნოდარ ებანოიძის განცხადებით, მომავალი წლიდან ჩუმათელეთი-ხარაგაული-ძირულას 55 კილომეტრიანი საავტომობილო გზის რეაბილიტაცია დაიწყება.