დღეს, 22 ივლისს, #48 ხარაგაულის საოლქო საარჩევნო კომისიაში თავმჯდომარის არჩევნები გაიმართა.

კენჭისყრაში მხოლოდ ერთი კანდიდატი – ყოფილი თავმჯდომარე გია ცისკაძე მონაწილეობდა. ხუთწევრიანმა საარჩევნო კომისიამ ის ერთხმად აირჩია.

გია ცისკაძე ხარაგაულის საოლქო საარჩევნო კომისიის თავმჯდომარედ 2014 წლიდან უფლებამოსილების ვადის გასვლამდე, – ამ წლის 21 ივლისამდე მუშაობდა.

8 ივლისს ცესკომ ის კომისიის წევრად ხელახლა აირჩია.

2021 წლის ადგილობრივი თვითმმართველობის არჩევნების თარიღი ცესკომ, კანონმდებლობით, 2 აგვისტოს უნდა გამოაცხადოს.

თარიღის გამოცხადებიდან მეორე დღეს ცესკო საოლქო საარჩევნო კომისიის 3 წევრის ასარჩევად კონკურსს გამოაცხადებს, ხოლო პარტიები საოლქო საარჩევნო კომისიის წევრებს არჩევნების თარიღის გამოცხადებიდან 7 დღეში დანიშნავენ.

საოლქო საარჩევნო კომისიები სულ 17 წევრისგან დაკომპლექტდება, მათგან ხუთ მუდმივმოქმედ და სამ დროებით წევრს ცესკო აირჩევს, ხოლო 7 წევრს – უფლებამოსილი პარტიები დანიშნავენ.