ხარაგაულის მუნიციპალიტეტის განვითარების 2015-20 წლების სტრატეგიული მიმართულებების დამუშავების პროექტის ფარგლებში, გამგეობასთან არსებული საკონსულტაციო ცენტრის ინიციატივით, მიმდინარე წლის 20 დეკემბერს, შაბათს, დღის 12 საათზე ხარაგაულის კინოთეატრის დარბაზში გაიმართება სამეცნიერო-პრაქტიკული კონფერენცია – „მეცნიერება სოფელს“ თემაზე: თანამედროვე მეცნიერული მიღწევები და მათი პრაქტიკული დანერგვა მცირე და ნაკლებნაყოფიერ ნიადაგებზე სოფლის მეურნეობის პროდუქციის მოსავლიანობის გაზრდისა და ეკოლოგიურ-ხარისხობრივი თვისებების გაუმჯობესებისათვის.

მომხსენებლები:

  1. რამაზ გახოკიძე – თბილისის სახელმწიფო უნივერსიტეტის ბიოორგანული ქიმიის კათედრის გამგე, პროფესორი, სახელმწიფო პრემიის ლაურეატი, მსოფლიოს მრავალი ქვეყნის მეცნიერებათა აკადემიის წევრი;
  2. პაატა კოღუაშვილი – ეკონომიკურ მეცნიერებათა დოქტორი, პროფესორი;
  3. ედნარ მიქანაძე – სწავლული აგრონომი, ექსპერტი ნიადაგმცოდნეობაში;
  4. ნოდარ ჭითანავა – პროფესორი, საქართველოს მეცნიერებათა აკადემიის წევრი.

კონფერენციის დაწყებამდე ნაჩვენები იქნება დოკუმენტური ფილმების „კოლაჟი“- ბიოპრეპარატების გამოყენება – სარგებლიანობის შესახებ.

დასწრება თავისუფალია, გთხოვთ მობრძანდეთ!

ხარაგაულის მუნიციპალიტეტის გამგეობა