ხარაგაულში  საჯარო მოხელეთა კონკურსის ტესტირების ეტაპი მიმდინარეობს.

დღეს, 13 დეკემბერს,  სამ სესიაზე გამოცხადებული 74 კონკურსანტიდან ბარიერი გადალახა 35-მა.

ტესტირებას გამოცდების ეროვნული ცენტრი ატარებს. ტესტირების პროცესი შეუფერხებლად მიმდინარეობს.

ხარაგაულის მუნიციპალიტეტში ვაკანსია 74 თანამდებობაზეა გამოცხადებული. კონკურსში 219 პიროვნება მონაწილეობს.

ტესტირება დღეს 19:30 საათამდე გასტანს და ხვალ დილიდან გაგრძელდება.

ტესტირება ხარაგაულის გიმნაზიის, #2 და #3 საჯარო სკოლების კომპიუტერულ ცენტრებში მიმდინარეობს.

ლაურა გოგოლაძე