„სასწრაფო სამედიცინო დახმარების სამსახურებში ფაქტობრივად განულებული სისტემა მივიღეთ – 100%-ით მწყობრიდან გამოსული ავტოპარკი, დისკვალიფიცირებული ექიმები და ექთნები, რომელთაც არც ერთი ტრენინგი და არც ერთი გადამზადება არ გაუვლიათ წლების განმავლობაში,“ – აღნიშნა ჯანდაცვის მინისტრის მოადგილე ზაზა სოფრომაძემ  პროექტის – „საქართველოს მთავრობა – ღია მმმართველობისთვის“ ფარგლებში იმერეთში გამართულ შეხვედრაზე. მისი ინფორმაციით, პროგრამას სადაზღვევო კომპანიები ახორციელებდნენ და ფაქტობრივად არსად არ არის ნორმალური სამუშაო გარემო. „ეტაპობრივად, ნელ-ნელა მდგომარეობა სწორდება. ვერავითარ კრიტიკას ვერ უძლებს სასწრაფო სამედიცინო დახმარების ბრიგადების სახელფასო ანაზღაურების საკითხი. უკვეუკვე გადაწყვეტილია, რომ მეცამეტე ხელფასი გადავცეთ ბრიგადებს – მძღოლებს, ექთნებსა დაექიმებს, რომლებიც უშუალოდ შემთხვევის ადგილებზე გადიან,“ – აღნიშნა ზაზა სოფრომაძემ. მისივე ინფორმაციით, განიხილება მომავალი წლიდან სასწრაფო დახმარების თანამშრომელთა ხელფასის მომატების საკითხი. რაც შეეხება ავტოპარკს, მინისტრის მოადგილის თქმით დეკემბერ-იანვარში ყველგან განახლდება ავტოპარკი.