4 ოქტომბერს სოფელ ვერტყვიჭალაში ავტოკატასტროფის შედეგად ტრაგიკულად დაიღუპა კეთილშობილი  პიროვნება, უღალატო ადამიანი, მრავალი თაობის აღმზრდელი, ხევის საჯარო სკოლის დირექტორი ზურაბ გოგოლაძე.
მის კუთვნილ ავტომანქანას, რომელსაც თავად ბატონი ზურაბი მართავდა, ტრაილერი შეეჯახა.
მისი დაღუპვით დიდი დანაკლისი განიცადა ხარაგაულის მუნიციპალიტეტის პედაგოგიურმა საზოგადოებამ.
ყველა, ვინც კი მას იცნობდა, დიდ სინანულსა და უზომო მწუხარებას გამოხატავს მისი მოულოდნელი და ნაადრევი გარდაცვალების გამო.
სამარადისო ხსოვნა და დიდება ამ დიდებულ ადამიანს.