» აჭარის TV-ს ჟურნალისტებს ონლაინ მედია სოლიდარობას უცხადებს| ჩემი იმერეთი
მთავარი ახალი ამბები საზოგადოება პოლიტიკა რეკლამა

აჭარის TV-ს ჟურნალისტებს ონლაინ მედია სოლიდარობას უცხადებს

რედაქტორის რჩევით | საზოგადოება|13.05.2020 | ნახვა: 691

თავისუფლება სინდისის პატიმრებს

ტელემაუწყებლების შემდეგ, საზოგადოებრივი მაუწყებლის აჭარის ტელევიზიისა და რადიოს ჟურნალისტების მხარდასაჭერ სოლიდარობის კამპანიაში, ამჯერად, ონლაინ გამოცემები ერთვებიან.

13 მაისს, 10:00 საათიდან, ის მედიასაშუალებები, რომელთაც სოლიდარობის კამპანიაში ჩართვის სურვილი აქვთ, სოციალური ქსელის საკუთარ გვერდებზე ე.წ. ქავერის ფოტოს აჭარის ტელევიზიის მხარდასაჭერი ფოტოთი შეცვლიან.

გამომცემლობა „ჩემი ხარაგაული“ ერთვება აჭარის ტელევიზიისა და რადიოს ჟურნალისტების მხარდასაჭერ სოლიდარობის კამპანიაში.

სოლიდარობის კამპანიის ინიციატორია კოალიცია „მედიის ადვოკატირებისთვის“. ამ ინიციატივის ფარგლებში, 3 მაისს, პრესის თავისუფლების საერთაშორისო დღეს, 20-მდე მაუწყებელმა 1 წუთის განმავლობაში მაუწყებლობა შეაჩერა და კადრში დატოვა წარწერა – „სოლიდარობა აჭარის საზოგადოებრივი მაუწყებლის ჟურნალისტებს“.