მეორე მსოფლიო ომის დამთავრებიდან 75 წელი გავიდა. ისტორიულად ყველაზე დიდ ომში მაშინდელმა საბჭოთა კავშირმა 20 მილიონი მეომარი დაკარგა, ფაშისტებმა კი – 26 მილიონი.

დაინგრა და მიწასთან გასწორდა ასობით ქალაქი, 70 ათასი სოფელი, 32 ათასი სამრეწველო საწარმო.

საქართველოდან მეორე მსოფლიო ომში 700 ათასი მებრძოლი ჩაერთო. მათგან 300 ათასი შინ აღარ დაბრუნებულა.

ხარაგაულის რაიონიდან ომში 5706 კაცი გაიწვიეს. აქედან 2 704-მა მეომარმა უკან დაბრუნება ვერ შეძლო, 798 კი ორდენებითა და მედლებით დაჯილდოვდა.

2020 წელს ხარაგაულს სულ 6 ვეტერანი შემორჩა, რომლებიც მეორე მსოფლიო ომის დროს ქერჩის, ვარშავის, ლენინგრადისა და კუიბიშევის ბრძოლებში მონაწილეობდნენ.

გიზიარებთ ხარაგაულელი ვეტერანების მოკლე ბიოგრაფიებსა და ძირითადი ბრძოლების გეოლოკაციებს.

მოამზადა თამარ ჩხიკვაძემ