27 აპრილიდან ეკონომიკის გახსნის პირველ ეტაპს ვიწყებთ, – განაცხადა პრემირ -მინისტრმა გიორგი გახარიამ ეკონომიკური ანტიკრიზისული გეგმის წარდგენისას.

ორშაბათიდან დაშვებული იქნება მსუბუქი ავტოსატრანსპორტო საშუალებებით გადაადგილება, ტაქსების ოპერირება, ონლაინ ვაჭრობა, საბითუმო და საცალო, მიტანის მომსახურეობა ნებისმიერ პროდუქტზე და ღია ტიპის აგრარული ბაზრების საქმიანობა.

კორონავირუსის გავრცელების საფრთხის გამო 21 მარტიდან საქართველოში გამოცხადებულია საგანგებო მდგომარეობა. 22 აპრილს პარლამენტმა მისი ერთი თვით გაგრძელებას მხარი დაუჭირა.