არასამთავრობო ორგანიზაციები „პარტნიორობა ადამიანის უფლებებისთვის (PHR)“ და „წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT)“ 12-18 წლის ასაკის ბავშვებს ონლაინ (კიბერ) ბულინგისა და ძალადობის პრევენციის თემაზე კონფერენციის დასაგეგმად და მონაწილეობის მისაღებად იწვევენ.

კონფერენციის მიზანია, ბავშვების ჩართულობით, მათი მოსაზრებებისა და რჩევების გაზიარებით, გაიზარდოს აღნიშნულ საკითხთან დაკავშირებით სახელმწიფოს მუშაობის ეფექტურობა; ბავშვების რეკომენდაციების გათვალისწინებით გამარტივდეს პრობლემასთან გამკლავება და ბავშვთა დაცვის ეფექტური მექანიზმები შემუშავდეს.

კონფერენცია გაიმართება 15 ნოემბერს, თბილისში და მასში საქართველოს მასშტაბით 50-მდე ბავშვი მიიღებს მონაწილეობას (30 – თბილისიდან და 20 – რეგიონებიდან). რეგიონებიდან ჩამოსულთათვის მგზავრობის ხარჯები უზრუნველყოფილი იქნება.

კონფერენციაში მონაწილეობის მსურველებმა უნდა გაგზავნონ ონლაინ წერილი შემდეგ ელექტრონულ მისამართზე –  info@gcrt.ge

საჭირო ინფორმაცია:

  • სახელი, გვარი, საცხოვრებელი ადგილი, ასაკი;
  • სკოლა;
  • ტელეფონის ნომერი;
  • მშობლის წერილობითი თანხმობა, რომელიც თან უნდა დაურთოთ იმავე მეილს ფაილად (ფოტოსურათის ან PDF ფაილის სახით).
  • Subject-ის გრაფაში უნდა მიუთითოთ სათაური – „ბავშვთა კონფერენცია“.

განაცხადის გაგზავნის ბოლო ვადაა 31 ოქტომბერი.

წყარო