მუნიციპალური განვითარების ფონდმა ღორეშა-ბაზალეთის გზის სარეაბილიტაციოდ ტენდერი 16 აგვისტოს განმეორებით გამოაცხადა.

ივნისში გამოცხადებული ტენდერი უარყოფითი შედეგით დასრულდა იმის გამო, რომ მასში მონაწილე მშენებელს დისკვალიფიკაცია მიენიჭა. განმეორებითი ტენდერი, ისევე როგორც წინა, 9 403 676 ლარზეა გამოცხადებული. წინადადებების მიღება 2-დან 6 სექტემბრამდე გაგრძელდება.

ტენდერში გამარჯვებულმა კომპანიამ ღორეშა-ბაზალეთის გზის მშენებლობა ხელშეკრულების გაფორმებიდან ერთ წელიწადში უნდა დაასრულოს.

დაგეგმილია 10 570 მეტრი გზის მობეტონება, მდინარე ყარნებაზე ახალი ხიდის აგება.