ხარაგაულის სპორტისა და ტურიზმის ცენტრის ორგანიზებით დღეს, 29 მაისს, სპორტულ დარბაზში ხატვის კონკურსი გაიმართა.

კონკურსი ბავშვთა დაცვის საერთაშორისო დღესთან დაკავშირებით ჩატარდა. მასში 60 ხარაგაულელი მოსწავლე ჩაერთო.

მონაწილეთა ნამუშევრებს სპეციალური ჟიური (ზეინაბ ბუაჩიძე, ჟუჟუნა კალანდაძე, გაიოზ შუბითიძე, გია მეიფარიანი) შეაფასებს.

სპორტისა და შიდა ტურიზმის ცენტრის დირექტორის, გრიგოლ ჭიპაშვილის ინფორმაციით, კონკურსში გამარჯვებულები ორშაბათს, 3 ივნისს, გამოვლინდებიან. საუკეთესო ნამუშევრები ხარაგაულის კინოთეატრის ფოიეში გამოიფინება.