სრულიად საქართველოს კათოლიკოს-პატრიარქად არჩეული ეპისკოპოსი შიო მუჯირის ინტრონიზაცია ხვალ, 12 მაისს, სვეტიცხოვლის ტაძარში გაიმართება.

ინტრონიზაციის თარიღი სრულიად საქართველოს ახალმა კათოლიკოს-პატრიარქმა, შიო III-ემ განსაზღვრა და გამოაცხადა.

ახალი პატრიარქის სრული ტიტულატურა შემდეგნაირად განისაზღვრა: მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი და სრულიად საქართველოს კათოლიკოს-პატრიარქი.

შეგახსენებთ, დღეს, 11 მაისს, სამების საკათედრო ტაძარში, სინოდის გაფართოებულ კრებაზე, საქართველოს ახალი, რიგით 142-ე პატრიარქი აირჩიეს.

ქართული სამოციქულო ეკლესია 12 მაისს წმინდა ანდრია პირველწოდებულის საქართველოში შემოსვლას დღესასწაულობს.