ხარაგაულის მუნიციპალიტეტის ადმინისტრაციული შენობის დარბაზში ინტელექტუალური თამაშის „რა? სად? როდის?“ ფინალი გაიმართა. ინტელექტუალური შეჯიბრი ტერიტორიულ ერთეულებს შორის მიმდინარეობდა და მასში 17 გუნდი მონაწილეობდა.

ფინალში ასპარეზობდნენ დაბა ხარაგაულის, მოლითის, კიცხისა და ბორითის ტერიტორიული ერთეულების გუნდები. პროექტი გამგეობის განათლების, კულტურის, სპორტისა და ახალგაზრდულ საქმეთა სამსახურის (უფროსი ირინე ჩხეიძე) ინიციატივით განხორციელდა.

ფინალში დაბა ხარაგაულის გუნდმა გაიმარჯვა.

ფინალში მონაწილეებს და გამარჯვებული გუნდის წევრებს საჩუქრები მუნიციპალიტეტის ადგილობრივი ხელისუფლების წარმომადგენლებმა გადასცეს.

ნინო კაპანაძე