ხარაგაულის ისტორიული მუზეუმი, მისი დირექტორის, ნინო დიდიძის ინფორმაციით, გარკვეული პრობლემების წინაშე დგას. ამ ეტაპზე აუცილებელია სიგნალიზაციის სისტემის გასაახლებლად 3 ათასი ლარი, აპრილში მოსაწყობი ფოტოგამოფენისთვის – 3 700 ლარი.

საოჯახო ღვინის დეგუსტაცია-კონკურსისთვის მუზეუმს ესაჭიროება 1 500 ლარის ინვენტარი, საგანმანათლებლო და საბავშვო პროექტებისთვის – 1500 ლარი, სკამებისა და კარადებისთვის – 2 ათასი ლარი.

მუზეუმი გეგმავს გასვლით ექსპედიციებს და მოძრავ ფოტოგამოფენებს. ამ პროექტისთვის ესაჭიროებათ ტრანსპორტირების თანხა 3 ათასი ლარი.

ძველი ფოტოფირების გასამჟღავნებელი აპარატისა და სკანერის შესაძენად საჭიროა 1 300 ლარი.

მუზეუმის სრული რეაბილიტაციის პროექტის მოსამზადებლად მუზეუმის დირექტორი 2 ათას ლარს ითხოვს. მუნიციპალიტეტის საკრებულო მუზეუმს ეტაპობრივ დახმარებას დაჰპირდა.