ხარაგაულის საავადმყოფოს მენეჯერად 16 აპრილიდან ლაშა ელბაქიძე დაინიშნა; საავადმყოფოს კლინიკურ მენეჯერად კი – ლევან კობახიძე, ქეთევან აბრამიშვილის ნაცვლად.

რა გახდა ხარაგაულის საავადმყოფოში საკადრო ცვლილების მიზეზი, ამის შესახებ შპს „რეგიონული ჯანდაცვის“ ცენტრის დირექტორი ნუგზარ ბოლქვაძე განმარტავს:

„ხარაგაულში გახსნილი ახალი კლინიკის დატვირთვითა და მენეჯმენტით არ ვიყავით კმაყოფილი. რამდენჯერმე მივეცით რეკომენდაცია, რომ მდგომარეობა გამოესწორებინათ. არაფერი გამოსწორდა და შესაბამისად, – კლინიკური მენეჯერი გავათავისუფლეთ.“

ფოტოზე: ხარაგაულის ახალი კლინიკის შენობა გახსნისას, 2016 წ.