აღდგომის დღესასწაულთან დაკავშირებით, მგზავრების მომატებული რაოდენობის გამო, საქართველოს რკინიგზა მატარებლის დამატებით რეისებს თბილისი-ბათუმი-თბილისისა და თბილისი-სენაკი-თბილისის მიმართულებით დანიშნავს.

აქვე გაცნობებთ, რომ საქართველოს რკინიგზის ადმინისტრაციისგან მოპოვებული ინფორმაციით, ახალდანიშნული რეისების მატარებლები ხარაგაულის რკინიგზის სადგურზე არ შეჩერდებიან. თბილისი-სენაკი-თბილისის მატარებელი ხარაგაულის მახლობლად მოლითისა და ზესტაფონის სადგურებში გაჩერდებიან.

5, 6, 7, 9 და 10 აპრილს (#808/807) თბილისი-ბათუმი-თბილისის მიმართულებით 4 ვაგონიანი, ორ სართულიანი შტადლერის ელექტრომატარებელი ახალი განრიგით იმოძრავებს. თბილისის ცენტრალური ვაგზლიდან მატარებელი 10:30 საათზე გავა, ბათუმში ჩავა 15:30 საათზე. ბათუმიდან გამოვა 17:10 საათზე და თბილისში ჩავა 22:03 საათზე.

თბილისი-სენაკი-თბილისის 4 ვაგონიანი ელექტრომატარებელი (#878) 5, 6, 7, 9 და 10 აპრილს თბილისის ცენტრალური ვაგზლიდან 8:50 საათზე გავა, სენაკში ჩავა 13:08 საათზე. სენაკიდან მატარებელი 19:45 საათზე გამოვა და თბილისში 23:59 საათზე იქნება.

მატარებლის ბილეთები შეგიძლიათ შეიძინოთ საქართველოს რკინიგზის სალაროებში, სწრაფი გადახდის აპარატებით, რკინიგზის ვებ-გვერდზე და სპეციალურად სმარტფონებისთვის შექმნილი აპლიკაციის მეშვეობით. (Georgian Railway Tickets)

წყარო