1781070_654467034594406_1706589235_oამ წუთებში ხარაგაულის საავადმყოფოს თანამშრომლებს ჯანდაცვის მინისტრის მოადგილე დიმიტრი მახათაძე, ხარაგაულის მაჟორიტარი დეპუტატი ნოდარ ებანოიძე, საკრებულოს თავმჯდომარე აკაკი მაჭავარიანი, გამგებელი კობა ლურსმანაშვილი და ადგილობრივი ხელისუფლების სხვა წარმომადგენლები ხვდებიან.

1502904_654467087927734_1807702947_oხარაგაულის საავადმყოფო იმ რვა საავადმყოფოთაგან ერთ-ერთია, რომელიც ბოლო წლების განმავლობაში „ადითს“ ჰქონდა გადაცემული.

მოუწესრიგებელი ინფრასტრუქტურა, მედპერსონალის დაბალი ანაზღაურება და თვეობით გაუცემელი ხელფასები არა ერთხელ გააპროტესტეს ხარაგაულელმა მედიცინის მუშაკებმა.

მიუხედავად იმისა, რომ საავადმყოფო „ადითისგან“ სახელმწიფოს უკვე გადაეცა, ჯერჯერობით, მდგომარეობა არსებითად არ შეცვლილა.

სწორედ საავადმყოფოს პრობლემების გადაჭრის გზებსა და ხარაგაულში სამედიცინო მომსახურების პერსპექტივებზე მსჯელობენ ამ წუთებში საავადმყოფოში შეკრებილი ხელისუფლების წარმომადგენლები და სამედიცინო პერსონალი.

უფრო ვრცლად და კონკრეტულად შეხვედრის დამთავრებისთანავე შემოგთავაზებთ.

ლაურა გოგოლაძე