დღეს, 23 თებერვალს სასკოლო სპორტული ოლიმპიადის ფარგლებში გამართულ მაგიდის ჩოგბურთის შეჯიბრში ხარაგაულის მუნიციპალიტეტის შვიდი სკოლა ჩაერთო.

გოგონებს შორის ერთმანეთს მოლითის, ზვარისა და ბორის სკოლის გუნდები დაუპირისპირდნენ. დამაჯერებელი გამარჯვება  ბორის საჯარო სკოლის გოგონათა გუნდმა მოიპოვა.

ვაჟებს შორის ფინალურ შეხვედრაში ერთმანეთს ხარაგაულის ანდრია პირველწოდებულის სახელობის გიმნაზიისა და ბორის საჯარო სკოლის გუნდები შეხვდნენ.

მაგიდის ჩოგბურთის რეგიონალური ტურის საგზური ბორის საჯარო სკოლის ვაჟთა გუნდმა მოიპოვა.

სასკოლო სპორტული ოლიმპიადა ხარაგაულის მუნიციპალიტეტში გასული წლის 25 ნოემბრიდან დაიწყო.