საქართველოს ეროვნული ბიბლიოთეკის პროექტის – „ჩვენი მკითხველი“ – ფარგლებში გამართული ინტელექტუალური ჩემპიონატის „რა? სად? როდის?“ რეგიონალურ ტურში ხარაგაულის ცენტრალური ბიბლიოთეკის მოსწავლეთა გუნდმა „შერლოკი“ მეორე ადგილი დაიკავა.

„შერლოკი“ ხარაგაულის #3 საჯარო სკოლის მოსწავლეებითაა დაკომპლექტებული და რეგიონალურ ტურში მონაწილეობის საგზური რაიონულ ტურში გამარჯვებით მოიპოვა.

ქუთაისში რეგიონული ტური 20 იანვარს გაიმართა და მასში იმერეთის რეგიონის 9 მუნიციპალიტეტის გუნდი მონაწილეობდა.

იმერეთის რეგიონულ ტურში ქუთაისის ილია ჭავჭავაძის სახელობის სკოლის გუნდმა გაიმარჯვა.

ფოტოზე: „შერლოკი“ რაიონულ ტურზე.