ხარაგაულის #1 და #2 საბავშვო ბაღებში აღსაზრდელებს, დაანონსებული 9 იანვრის ნაცვლად, სამშაბათს, 10 იანვარს, მიიღებენ.

როგორც სკოლამდელ დაწესებულებათა გაერთიანების დირექციიდან გვაცნობეს, სასწავლო პროცესის განახლების ერთი დღით გადაწევა საკვები პროდუქტების შესყიდვის ტენდერის პროცედურების დაცვას უკავშირდება.

რაც შეეხება ხარაგაულის მუნიციპალიტეტში მოქმედ დანარჩენ 12 საბავშვო ბაღს, იქ სასწავლო-სააღმზრდელო პროცესი, როგორც ადრე გაცნობეთ, 16 იანვარს განახლდება.