kinoხარაგაულის მუნიციპალიტეტის გამგეობის კულტურის სამსახურის უფროსის, ირინე ჩხეიძის ინფორმაციით, გრძელდება პროექტი „ქართული კინონოსტალგია.“ ოთხშაბათს, 16 ოქტომბერს მაყურებელმა ხარაგაულის ისტორიულ მუზეუმში ნახა ოთარ იოსელიანის ფილმი „გიორგობისთვე.“

ირინე ჩხეიძის ინფორმაციით, ხუთშაბათს, საჩხერეში გაიმართა „მრავალჟამიერის ფესტივალი.“ ფესტივალში მონაწილეობდა ხარაგაულის კულტურის ცენტრთან არსებული ვაჟთა ხალხური სიმღერების ანსამბლი (ხელმძღვანელი ზაქარია ბერაძე).

კულტურის სამსახურის უფროსის თქმით, კვირას, ქუთაისში, კაფეში „ფოე-ფოე“ გაიმართება ახალგაზრდა პოეტებთან შეხვედრა. ხარაგაულიდან ღონისძიებაში მონაწილეობის მისაღებად მიწვეულია ახალგაზრდა პოეტი გიორგი გოგოლაძე.